На српскиот пејач Аца Лукас му е укината двегодишната забрана за влез во Шведска, со што повторно може непречено да настапува низ Европа.
Одлуката ја донеле надлежните институции, кои ја поништиле претходната мерка изречена од полицијата во март годинава, а со која на Лукас му беше забранет влез во земјата.
Пејачот пред неколку недели беше вратен од аеродромот во Гетеборг, каде требаше да одржи концерт, што предизвика големо внимание во јавноста. Тогаш, Лукас тврдеше дека не е виновен за ситуацијата и дека станува збор за административен проблем.
Неговиот тим, заедно со менаџерот Саша Мирковиќ, ангажирал адвокат во Шведска и поднел жалба на одлуката, која на крај била прифатена.
„Од документите сè е јасно. Ние секогаш ја зборуваме вистината“, изјави Мирковиќ, додавајќи дека случајот сега е затворен.
Со укинувањето на забраната, Лукас веќе подготвува нови настапи, вклучително и концерти кои претходно беа одложени поради оваа ситуација.
Да потсетиме, тој требаше да настапи заедно со Стефан Ѓуриќ Раста и Амар Гиле Јашарспахиќ, но поради забраната не се појави на концертот.
