Синот на музичарот Боби Браун почина во 28-та година од животот, под неразјаснети околности, пренесуваат странските медиуми. Роберт Браун Јуниор е пронајден мртов во неговиот дом во Лос Анџелес.
„Не мислат дека е нешто сомнително во врска со неговата смрт“, рекол извор близок на семејството по смртта на Боби Браун Јуниор.
Полицијата во Лос Анџелес сѐ уште ја истражува неговата смрт и истражува под какви околности починал.
Пред 5 години почина и неговата полусестра Боби Кристина, ќерката која Боби Браун ја имаше од бракот со Витни Хјустон.
Боби Кристина во 2015 година помина 6 месеци во вештачка кома откако е најдена во бесвесна состојба во кадата бидејќи се предозирала со опојни супстанции.
Три години пред нејзината смрт нејзината мајка Витни Хјустон на идентичен начин е пронајдена мртва во када, откако се предозирала со опојни супстанции.
