Кралицата Камила се повлече од функцијата минатата недела поради инфекција. Таа го пропушти Фестивалот на сеќавањето и церемонијата по повод Денот на сеќавањето, во саботата и неделата со цел целосно да закрепне и да не ги изложи другите на ризик.
Британската кралица се врати на должност, пишува „Скај њуз“. Тaa се појави на доделувањето на наградите Букер во Кларенс Хаус, но остана пократко од планираното, а ќе се појави и на прием во Палатата кај кралот Чарлс, настан посветен на британската филмска и ТВ-индустрија, но нема да остане до крајот на настанот.
Кралицата во Гарден Рум ја поздравиле извршната директорка на фондацијата Букер награди Габи Вуд и претседателот на жирито за 2024 година, Едмунд де Вал.
Таа се ракувала со нив и му рекла на Вуд дека „очигледно е многу подобро“.
– Сè уште ме мачи кашлицата. Навистина сакав да дојдам – додала Камила.
Се верува дека промените во нејзиниот распоред се направени за да се заштити и да се даде приоритет на нејзиното континуирано закрепнување, бидејќи лекарите сакаат да избегнат какви било компликации предизвикани од сезонската болест.
На кралицата Камила ѝ било тешко што не можела да се појави на настаните посветени на денот на сеќавањето. Со кралот Чарлс Трети била и неговата сестра, принцезата Ана, која се грижела за својот брат, кој се бори со ракот.
Кејт Мидлтон се појави на двата настани во Лондон и направи два важни ангажмани два дена по ред, речиси една година откако беше оперирана во британската престолнина и седум и пол месеци откако објави дека боледува од рак.
