Колку Амбер Херд треба да му плати на Џони Деп за клевета, откако е донесена пресудата и таа е обвинета за клевета на поранешниот сопруг.
Вечерва во 21 часот, беше објавена конечната пресуда на макси судењето, во полза на Деп.
Сепак, и двајцата ќе треба да плаќаат.
Johnny Depp’s lawyers #CamilleVasquez and #BenChew speak outside the courthouse minutes after their major win against #AmberHeard. pic.twitter.com/xQdiWt42xD
— Law&Crime Network (@LawCrimeNetwork) June 1, 2022
Пресудата на поротата беше прочитана на глас пред судот Ферфакс во Вирџинија: присуствуваше актерката од Аквамен, но не и нејзиниот поранешен сопруг, кој отсуствуваше поради работни обврски во Англија. Во центарот беше барањето за 50 милиони долари од ѕвездата на Пиратите од Карибите затоа што беше наклеветен со напис објавен во Вашингтон пост – напишан од Амбер Херд – во кој имаше наводи за насилство. Контра-барањето на актерката изнесуваше 100 милиони долари бидејќи Деп ја нарекувал „лажга“.
По шест недели судење, Амбер Херд загуби и сега треба да плати отштета.
Судот пресуди дека Амбер Херд ќе мора да му плати на поранешниот сопруг 15 милиони долари отштета поради клевета.
Поротата му додели на Џони Деп отштета од Амбер во вредност на 10 милиони долари, плус 5 милиони долари казнена отштета, но судијката Пени Аскарате ја намали втората (казнената отштета) на 350.000 долари. Станува збор за бројки под 50-те милиони што ги бараше тужителот, но сепак голема сума за Херд, повеќе од двојно поголема од алиментацијата доделена во моментот на разводот.
Деп пак, е осуден на 2 милиони долари отштета кои треба да ги плати на Амбер за нејзината контра-тужба, за која првично таа бараше 100 милиони долари (во случај да го добиеше судењето). Поранешниот адвокат на Џони Деп, Адам Валдман, изјави за Дејли Меил дека Херд направила „фарса“ кога повикала полиција во мај 2016 година. Поротата во конечната пресуда пак, тврдеше дека добила јасни и убедливи докази од актерката и го осуди тужителот да плати 2 милиони долари за клевета.
#AmberHeard wins one defamation claim based on a hoax statement made by Adam Waldman acting as #JohnnyDepp’s agent. $2M compensatory damages, 0 punitive @LawCrimeNetwork pic.twitter.com/0bOOnX4gY1
— Angenette Levy (@Angenette5) June 1, 2022
