Поранешниот тенисер и сопруг на пејачката Лепа Брена, Боба Живојиновиќ вчера бил сослушан поради кривичната пријава поднесена против него и против уште едно лице за измама.
Како што дознава српски „Курир“, тој и Н. Р. се товарат дека двапати продале ист брод и земале по 300.000 евра, односно вкупно 600.000.
– Живојиновиќ денеска со својот адвокат дојде во Обвинителството, каде беше сослушан кај обвинителот, по што беше пуштен – рекол извор за „Курир“ упатен во случајот.
Изворот додава дека вчера се одржало и сослушувањето на второосомничениот, кој се товари за помагање во споменатото кривично дело.
