Нови детали испливуваат од долгоочекуваната книга на принцот Хари.
Имено, принцот Хари во своите мемоари тврди дека тој и неговиот брат не сакале кралот Чарлс да се ожени со неговата долгогодишна љубов Камила Паркер-Боулс. Мемораите ќе бидат објавени следната недела. Хари објаснува: „Се сеќавам дека се прашував… дали [Камила] би била сурова кон мене; дали ќе биде сите лоши маќеа во приказните“.
Деталите за тоа како се чувствувале принцот Вилијам и Хари за нивната тогашна нова маќеа, протекоа вчера откако книгата беше објавена во Шпанија пред нејзиниот официјален датум на објавување закажан за вторник, објави Дејли мејл. Шпанскиот наслов на книгата En La Sombra, или „Во сенките“.
Copies of Prince Harry’s memoir Spare are already on sale in Spanish bookstores today, five days ahead of the January 10 publication date: 👀 pic.twitter.com/QF0ilGBrzT
— Emily Nash (@emynash) January 5, 2023
Хари додаде дека и тој и Вилијам едноставно не сакале Чарлс повторно да се ожени. Војводата се сеќава како за прв пат ја сретнал Камила, која тој и неговиот брат ја нарекувале „другата жена“: и дека за него тоа не било воопшто пријатно искуство. Тој ја опишува нивната средба како болна „инјекција“, за која морал да биде подготвен: „Требаше да ги затворам очите и така да не ја почувствувам болката“, пишува тој.
Понатаму открива дека најсилно обединети двајцата браќа биле всушност кога биле против идната сопруга на татко им, додека речиси за се друго во животот на Вилијам -кој во книгата го нарекува Вили – гледал како на „личен непријател“ и негов „противник“.
Хари во книгата се навраќа и на средбата и дискусијата која се случила по погребот на принцот Филип, и тој пишува: „Го погледнав Вили, навистина го погледнав, можеби за првпат откога бевме, фаќајќи го секој детал: неговото познато намуртено лице, кое отсекогаш беше норма во неговите односи со мене“.
Хари понатаму тврди дека постарите членови на кралското семејство не разбирале и не се мачеле да разберат зошто тој и Меган ја напуштиле земјата.
