Како и секој претходен и иден петок се обидуваме да ви го олесниме одговорот на прашањето „Што да гледате на „Netflix“ и „HBO“ овој викенд?“.
Викендите секогаш се резервирани за добар филм или серија. Но, потрагата по истите често знае да биде досаден и фрустрирачки процес. Затоа ние ви подготвивме листа на филмови и серии кои сигурно нема да ве остават рамнодушни.
Worth – Филм на „Netflix“
Во Вашингтон, адвокатот Кенет Фајнберг се бори со цинизмот, бирократијата и политиката за да им помогне на жртвите од кобниот 11 септември.
Жанр: драма / IMDB оценка: 6.8 / Rotten tomatoes рејтинг: 80%
Enlightened – Серија на „HBO“
Една деструктивна жена, одлучува да води просветлен живот откако доживува ментален слом на работа. Сепак, по враќањето дома од лекувањето, таа се соочува со многу проблеми додека се прилагодува.
Жанр: драма/комедија / IMDB оценка: 7.6 / Rotten tomatoes рејтинг: 87%
Temple Grandin – Филм на „HBO“
Девојче со аутизам по име Темпл Грандин, ги надминува ограничувањата што ѝ се наметнати од нејзината здравствена состојба и станува експерт во областа на сточарството. Инспиративна приказна која нема да ве остави рамнодушни.
Жанр: драма/историја / IMDB оценка: 8.3 / Rotten tomatoes рејтинг: 100%
Unbreakable Kimmy Schmidt – Серија на „Netflix“
Спасена по 15 години во култ, Кими Шмит решава да си го врати животот, заминувајќи во Њујорк, каде своето секојдневие го доживува со голема радост и ентузијазам. Нејзиниот цимер Тит – геј актер од Бродвеј, кој едвај врзува крај со крај како уличен изведувач на Тајмс Сквер. Тие си помагаат, со тоа што Тит ја запознава Кими со модерниот живот, а таа му влева инспирација дека човек никогаш не треба да се откажува.
Жанр: ситком / IMDB оценка: 7.6 / Rotten tomatoes рејтинг: 96%
