Иако многумина најавуваа крај на нејзината кариера, Северина повторно покажа дека е во чекор со трендовите. Таа е првата славна личност од Хрватска која оствари соработка со компанијата „Ракутен Вибер“ и лансираше сопствен пакет налепници (стикери).
На својот инстаграм-профил со фановите ја подели оваа вест и напиша коментар дека во четврток, на денот на промоцијата на нејзиниот нов албум „Ало“, налепниците на Вибер ќе бидат достапни за преземање во Хрватска, Босна и Херцеговина, Србија, Црна Гора и Словенија.
„Се надевам дека ќе уживате во нив и ќе ги делите со пријателите“, напиша пејачката на нејзиниот инстаграм-профил.
