Пејачката Теодора Џехверовиќ првпат се појави во јавноста преку „Ѕвездите на Гранд“, а поширока популарност стекна со учеството во реалното шоу „Задруга“. Иако денес важи за личност полна со енергија и самодоверба, таа откри дека зад насмевката криела тешка животна борба.
Во една своја исповед, Теодора призна дека поминувала низ сериозна психолошка криза и дека се соочувала со булимија.
„Ми се случи булимија затоа што бев млада и не размислував рационално. Во тој период психички паднав, но од сè излегов како победник и денес можам да се насмеам на тоа. Тоа навистина беше голем проблем. Се мразев себеси кога не повраќав. Околу мене сите беа слаби, јадеа што сакаа, а јас само да испијам вода и веднаш се дебелеев“, раскажа Теодора пред неколку години.
Денес, таа отворено зборува за важноста на менталното здравје и истакнува дека токму тие тешки моменти ја направиле посилна. Големо внимание посветува и на својот изглед, а дел од физичките корекции ги направила и со помош на естетски зафати.
Покрај тоа, неодамна откри дека се соочила и со здравствени проблеми поврзани со хормоналниот баланс.
„Во моментов користам ашваганда поради зголемен кортизол, магнезиум и масло од оригано. Правев крвни анализи и вредностите ми беа значително над границата. Горната граница е 550, а кај мене беше 815“, откри пејачката.
