Откако во еден таблоид се појави веста дека актерката Марија Каран наводно му се додворувала на Новак Ѓоковиќ на концертот на Дино Мерлин, Јелена се огласи на „Инстаграм“.
Иако таа генерално не реагира на слични написи во медиумите, сите беа изненадени од жестоката реакција на Јелена Ѓоковиќ.
Имено, кога го виде текстот во српскиот таблоид, објави фотографија од споменатиот текст на својата „приказна“ на Инстаграм, со порака:
„Ако не ја демантираш лагата- односно не дадеш одговор на глупоста и едноставно не се занимаваш со тоа, новинарите сметаат дека имаат зелено светло да ве влечат низ весниците и да ве направат дворски шутови“, напиша Јелена, а потоа додаде:
„По 15 години пишување за афери со секоја девојка од нашиот заеднички круг, тие сега нè познаваат толку добро како двојка што знаат дури и кога сум љубоморна без зборови и дела (бидејќи наводно тоа не е видливо, но знаат или имаат многу „сигурни извори), и секако кога не ја негирате глупоста, тоа автоматски станува корисна мамка за идните објави за сега веќе поранешните љубови … Затоа што така се почитува карактерот и делото на еден млад, успешен спортист од нашата земја … оваа година, многу повеќе кликови носат скандали“, напиша Јелена на својот профил на „Инстаграм“.
