Снимајќи го неговиот нов серијал каде што тој преживува, замалку ќе завршеше фатално за актерот.
Зек Ефрон бил префрлен од Папуа Нова Гвинеја, каде го снимал авантуристичкиот серијал „Killing Zac Efron“, во приватна болница во Австралија, бидејќи се заразил со тифус или слична инфекција, објавил австралискиот весник Sunday Telegraph. Сето тоа се случило неколку дена пред Божиќ, кога некои таблоиди потврдиле дека Ефрон се заразил со бактерија која може да биде смртоносна. После престојот во болница, на актерот му било допуштено за Бадник да одлета дома во Америка.
Доктор Глен Меккеј, кој што се грижел за Ефрон за време на неговиот лет во Австралија, рекол за Sunday Telegraph дека не може да ја коментира здравствената ситуација на актерот, но потврдил дека актерот стигнал во болницата во стабила состојба. Вчера на Инстаграм се огласи и Зек каде напишал дека е вистина дека се разболел во Папуа Нова Гвинеја, но ќе се врати за да го заврши 3-неделното снимање.
„Killing Zac Efron“ е авантуристички серијал кој се снима за стриминг сервисот Quibi и во него за три недели Зек Ефрон се наоѓа во џунгла на оддалечен остров преполн со опасности, само со водич и опремен со основна опрема.
