Пејачката Зорица Марковиќ проговори за актуелните случувања на естрадата, осврнувајќи се и на скандалот поврзан со Милица Тодоровиќ, но и на нападот врз домот на Здравко Чолиќ.
По излегувањето од реалното шоу „Елита“, Марковиќ изјави дека е изненадена од настанот во кој беше фрлена бомба во дворот на куќата на Чолиќ на Дедиње.
„Навистина сум изненадена, немам коментар. Не велам дека човекот направил нешто, погрешил, но не знам. Не мора никој ништо да направи за нешто да се случи. Тие знаат каде е вистината, а додека не се докаже нешто, некој мора тоа да ѝ го каже на јавноста“, рече Марковиќ, додавајќи дека Чолиќ живее мирен и достоинствен живот, каков што ѝ прилега на вистинска ѕвезда.
Во разговорот таа се осврна и на својата колешка Милица Тодоровиќ, која неодамна се најде во центарот на вниманието поради тврдењата дека добила дете со оженет маж.
„Мица е кралица. За мене е позитивно луда, девојка без скандали. Да, имаше приказна дека ѝ беше уапсен вереникот, но не беше таа уапсена. Одлично пее, убаво изгледа и има талент за глума. Бидејќи ја сакам, ќе кажам – мило ми е што си роди син. Нека се живи и здрави сите – и тој момак, и неговата сопруга и децата, Милица и бебето“, изјави Марковиќ.
Таа смета дека ситуацијата не треба дополнително да се драматизира и дека вакви случаи не се реткост, туку само стануваат јавни кога се работи за познати личности.
„Зошто сопругата порано не излезе во јавноста? Јас би им препорачала сите да седнат заедно – тој маж кој има сопруга и деца, и има син со Милица. Да седнат на маса и да се договорат како цивилизирани луѓе. Знам дека Милица би го сакала тоа. Тој нека одлучи каде ќе биде, децата мора да растат и да се воспитуваат. Наместо кавги, подобро е разговор. Сè може да се договори ако постои волја“, порача Зорица Марковиќ.
Пејачката заклучи дека животот често непотребно се комплицира и дека, иако минатото не може да се промени, барем иднината може да се организира со разум и договор.
