Познатиот пејач Џеј Рамадановски почина на 56 годишна возраст, по неуспешната реанимација од страна на брзата помош.
Во едно неодамнешно интервју тој изјави дека е во строг карантин поради здравствените проблеми што ги има и дека коронавирусот би бил фатален за него.
„Не можам да излезам никаде за да не ризикувам да се заразам. Веќе имав проблеми со здравјето на срцето и вирусот може да биде фатален за мене“, изјави Џеј пред неколку дена.
„Не ги гледам ниту моите најдобри пријатели и морам да признаам дека многу ми недостига кафулето. Се плашам и едвај чекам да одам повторно во кафеана кога сето ова ќе заврши, иако не требаше да пијам“, додал Рамадановски.
Инаку, Џеј имаше операција на срцевиот залисток во Виена пред три години, а потоа лекарите му рекоа дека мора строго да се грижи за исхраната и здравиот живот.
Неговите колеги веќе започнаа да се простуваат од него, а дел од нив е и актерот Драган Бјелогрлиќ.
