Американскиот музички продуцент Фил Спектор почина на 82 година, додека издржуваше затворска казна за убиство, пренесува „Би-Би-Си“.
Спектор, ја трансформираше поп сцената и беше едно од најистакнатите имиња во музичкиот свет во 1960-тите години создавајќи безврменски хитови. Соработувал со „Beatles“, Тина Тарнер, „Beach Boys“, Леонард Коен, Џон Ленон, Брус Спрингстин и многу други.
Фил им обезбеди одлична кариера на многу уметници во 1960-тите како „Crystals“ и „Ronettes“ вклучувајќи ги и хитовите „Be My Baby“и „Baby I Love You“.
„Затвореникот Филип Спектор, почина во здравствената установа во Калифорнија, во 6:35 часот во сабота, на 16 јануари 2021 година…“, беше дел од соопштението до јавноста.
Странските медиуми пишуваат дека причина за смртта на Спектор е коронавирусот, имено тој боледувал од ковид-19 веќе четири недели.
Неговиот слевен живот на крај се уништи од зависности од дрога и алкохол, и тој се повлече од музичката сцена во периодот меѓу 1980-тите и 1990-тите години.
Во февруари 2003 година, актерката Лана Кларксон беше пронајдена мртва во неговата куќа во Алхамбра, Калифорнија. За нејзиното убиство првообвинет беше токму Спектор и беше осуден за убиство од втор степен и му беше изречена доживотна затворска казна.
Преземено од Слободен Печат.
