Странските медиуми веќе подолго време шпекулираа дека Џастин Тимберлејк и неговата сопруга, актерката Џесика Бил во 2020 година повторно станале родители. Овојпат, шпекулациите беа точни.
Џесика Бил и Џастин Тимберлејк го поздравиле доаѓањето на свет на својот втор син во јули, 2020 година. За бременоста на Бил речиси никој не знаеше, имајќи предвид дека тие заедно со нивниот петгодишен син Силас изминатава година постојано биле во нивниот дом во Монтана, каде Бил и се породила, пишува „Дејли Мејл“.
Џастин не само што потврди дека тој и неговата сопруга, всушност, добиле син, тој го откри и името за време на интервјуот со Елен Деџенерис: Финиас!
„Тој е прекрасен и е толку сладок… и, никој не може да спие“, се пошегува Тимберлејк.
„Воодушевени сме и не можеме да бидеме посреќни“, изјави тој.
Ова беше прв пат Тимберлејк официјално да ги потврди сите шпекулации и да проговори за новиот член на нивото семејство.
Неговите обожаватели и пријатели се пресреќни од оваа вест и едвај чекаат да го видат вториот син на Тимберлејк.
Преземено од Слободен Печат.
