Актерката Барбара Виндзор почина во 83-та година. Ѕвездата на популарната британска серија „Eastenders“ и серијалот на филмови „Carry On“ почина во еден лондонски дом за стари лица.
Виндзор боледувала од Алцхајмерова болест, а според сопругот Скот Мичел, починала мирно.
На Барбара Виндзор болеста и била дијагностицирана во 2014-та година, а во домот за стари лица била од почетокот на оваа година.
„Ќе биде запаметена по љубовта, забавата, пријателството и радоста кои ги донесе во нашите животи“, рекол сопругот.
Нејзиниот последен актерски настап бил во 2016-та година во сапуница, а истата година ја добила благородната титула „дама“ од кралицата Елизабета Втора.
Откако и дијагностицирале деменција, актерката станала Амбасадорка на Алцхајмерова болест. Се сретнала и со премиерот Борис Џонсон, со цел да укаже на проблемите со кои се соочуваат заболените од оваа болест.
