Актерот Милан Лане Гутовиќ почина денеска на Воено-медицинската академија во Белград, на 75-годишна возраст.
Актерот беше примен на Воено-медицинската академија во Белград пред повеќе од една недела со симптоми на коронавирусот, но тој тогаш беше негативен на тестот.
Медиумите пишуваа за неговата тешка здравствена состојба откако беше примен во болница, а актерот пред некој ден на тоа се огласи: „Претпоставувам дека ќе бидам подобар“. Сепак, наскоро мораше да биде ставен на респиратор.
View this post on Instagram
Лане Гутовиќ е роден во Умка на 11 август 1946 година. Дипломирал глума на „Академијата за театар, филм, радио и телевизија“ во Белград.
Тој беше еден од членовите на познатите „Бојанови бебиња“, член е на Народниот театар во Белград од 2006 година, каде што беше „шампион на драмата“.
Ќе остане запаметен по улогите во театарските претстави „Кога тиквите цветаа“, „Буба во уво“, „Отело“, „Патувачки театар Шопаловиќ“, „Народен заменик“, „Лажниот император Счепан Мали“, „Госпоѓа министерка“ , „Која Вирџинија Вулф“, „Сомнително лице“…
