Босанската пејачка Селма Бајрами е приведена на белградскиот аеродром „Никола Тесла“, кога по низа скандали и провокации се обидела да влезе во Србија.
Иако кариерата ја изгради во Србија, Бајрами направи некои постапки кои ги навредија нејзините српски обожватели. Не само што изгуби голем дел од публиката и финансиите, доби и осуда од бројни колеги, но тоа не ја спречи повторно да се обиде да влезе во Србија.
Да потсетиме, Селма Бајрами предизвика бурни реакции во српските медиуми и на социјалните мрежи, откако на социјалната мрежа Икс, поранешен Твитер, се појави видео од приватна прослава, на кое таа пееше албанска народна песна и покажуваше двоглав орел со рацете, симбол кој многумина го толкуваат како симбол на наводната „голема Албанија“.
