Актерката Памела Андерсон се венчаше со продуцентот Џон Петерс, но бракот траеше само 12 дена.
Прочуената „зајачица“ рекла дека љубовта е „процес“ и соопштила дека таа и нејзиниот партнер сепак одлучиле да ја одложат формализацијата за добивање на венчалниот лист. Парот се венчал во општината, но според америчкиот закон бракот не е важечки додека венчалниот лист не е официјално издаден и заведен, што трае неколку недели.
Памела веќе 4 пати била во брак, како и Петерс, а ова ѝ е најкраткиот брак до сега.
„Веќе со децении јас можам да бирам која жена ја сакам. Светот е преполн со убави девојки. Но, веќе 35 години ја сакам само неа“, рекол при една прилика продуцентот за сега веќе поранешната сопруга.
Памела и Џон се забавувале пред повеќе од 30 години, а повторно запловиле во романса кон крајот на минатата година. Питерс бил фризер пред да одлучи да го вложи својот стекнат капитал во филмската индустрија, и уште од 70-те години е успешен продуцент. Џон исто така е познат по бројните скандали.
