Хрватската пејачка Јелена Розга ги искоментира шпекулациите дека се свршила со Иван Хуљиќ, откако вниманието на јавноста го привлече прстенот што го носи во последните денови.
Обожавателите веднаш почнаа да нагаѓаат дека станува збор за свршенички прстен, но пејачката кратко и јасно ги демантираше тие информации.
„Немам ништо за пријавување, не лажам – овој прстен е од спонзори“, изјави Розга.
Иако не крие дека на приватен план е среќна и вљубена, таа истакнува дека не брза со бракот. Сличен став имаше и претходно, кога нагласи дека ужива во врската, но не планира свадба во скоро време.
Розга ги негираше и шпекулациите дека подготвува голема свадбена прослава со стотици гости.
„Свадба со 500 гости? Па, ме знаете мене… и да правиме нешто, би било скромно. Не сакам претерувања, најмногу би сакала тоа да биде тивко и интимно. Нам ни е убаво и тоа е најважно“, порача пејачката.
