Меган Маркл и принцот Хари го загубија правото да ги користат титулите „кралско височество“, но на располагање им останаа називите војвотка и војвода од Сасекс, па Меган и натаму се претставува така на официјалниот Инстаграм профил на кралскиот пар.
Поранешната актерка и принцот Хари започнаа ново животно поглавје во Канада, а сега се откриени и нови информации за тоа со што се занимавала Меган во изминатиот период.
Таа неодамна посетила една организација за заштита на животните, во чија работа учествува повеќе од една година.
Меган, како што јавуваат повеќе медиуми, на тамошните вработени им честитала за сработеното во претходниот период, како и на посветеноста кон работата која секојдневно ја вршат.
За време на посетата на оваа организација, Меган била облечена во светло сина кошула и тегет капут.
Во споменатата објава на официјалниот Инстаграм профил, Меган е претставена како војвотка од Сасекс, со што уште еднаш е потврдено дека и натаму се претставува со оваа титула.
Под наведената објава се редеа бројни коментари, па многумина напишаа дека Меган изгледа прекрасно и ја пофалија нејзината хуманитарна работа.
Исто така, бројни корисници на социјалните мрежи го поддржаа кралскиот пар во новото животно поглавје.
„Останете силни. Милиони луѓе ве поддржуваат“, гласи еден од коментарите.
