Деновиве постојано се пишува дека ова ќе биде првиот Божиќ во историјата што кралицата Елизабета Втора ќе го помине сама со нејзиниот сопруг без традиционалниот собир на целото семејство во Сандрингем, сега пристигнуваат уште потешки вести за кралицата.
Како и за сите нас, оваа година е особено тешка за британската кралица Елизабета. Освен што честопати се одделуваше од своите најблиски поради здравствената состојба и ризикот од коронавирусот, таа сега остана и без своето сакано куче.
Имено, добро е познато колку кралицата е приврзана за своите миленици. На многу рана возраст го добила својот прв велшки корги, кучето што подоцна станало нејзина голема љубов. За време на нејзиното владеење имала вкупно 30 кучиња.
Минатиот октомври, последниот корги на кралицата почина, ставајќи крај на кралската династија со слатки корги од 1944 година, кога Елизабета го доби своето прво куче Сузан како подарок за нејзиниот 18 роденден.
Затоа минатата година таа одлучила да не ги пари повеќе, затоа што и таа веќе е многу стара и не можела да им се посвети.
Пред неколку дена ја напушти уште едно нејзино сакано милениче наречено Вулкан, со што кралицата остана само со едно куче, Кенди. Иако не е позната причината за смртта на кучето, јавноста знаеше дека е старо 13 години.
Кучињата ѝ беа утеха на кралицата особено во последните месеци, кои ги поминува претежно сама или со сопругот принцот Филип во шкотскиот замок Балморал.
Таму, тие се обидуваат да се заштитат од коронавирусот, кој „коси“ низ светот веќе десетина месеци и зема сè повеќе жртви.
Поради посебните мерки издадени од британската влада, и за монархијата, празниците многу ќе се разликуваат од претходните години. Сите вообичаени протоколи и собири во Сандрингем се откажани.
