Фолк пејачката Индира Арадиновиќ – Инди, пред три години се подложи на операција на желудникот, но наместо посакуваниот резултат веднаш, таа помина низ вистински здравствен пекол.
По две тешки операции во рок од само две недели, Инди останала без слезина, а панкреасот ѝ бил оштетен.
„Живеам со последици, но сум благодарна што сум жива“, признала пејачката, која тогаш цел месец лекарите ја спасувале од сигурна смрт.
Иако се соочила со сериозни компликации и мора до крајот на животот да прима инјекции, Инди вели дека не се кае.
– Ослабнав 35 килограми, но поминав низ пекол. Лекарите ми се бореа за живот. Никогаш повеќе нема да бидам целосно здрава, како пред операцијата – искрено изјави таа.
Денес, со упорни тренинзи и здрава исхрана, пејачката ја одржува својата фигура. Од одморот во Улцињ таа сподели фотографии во костим за капење, покажувајќи дека по сите маки повторно зрачи со самодоверба и гордо ги истакнува тетоважите.
Инаку, Инди неодамна наполни 39 години и, иако зад себе има тешко искуство, денес добива бројни комплименти за изгледот.
