Поранешната членка на „Пусикет долс“, преку друштвените мрежи побара помош од своите пријатели. Минатата недела во сообраќајна незгода загинал нејзиниот братучед, а сторителот побегнал.
„Тоа е како ноќна мора од која никогаш нема да се разбудиме. Со тешко срце се простувам од својот мил внук Џон, кој минатата недела настрада во сообраќајка“, напиша скршената пејачка Никол Шерцингер на својот инстаграм-профил.
Човекот што го удрил Џон со автомобил побегнал од местото на несреќата, а нејзиниот братучед починал од последиците на тешката незгода.
„Целото семејство е скршено бидејќи некој го оставил да умре таму. Знам дека е на подобро место, ама сепак сме уништени. Мил Џон, многу те сакав и уште те сакам. Поради тебе светот беше подобро место“, напишала пејачката која побарала помош од своите пријатели за пронаоѓање на виновникот.
„Ако некој има информации, ве молам, јавете се. Ако ова го чита сторителот, нека има храброст и достоинство да признае“, порача пејачката, која понуди парична награда за информации за несреќата.
