ОВЕН
Приватниот живот повеќе ви се врти околу пријателите. Саканата личност може да ви забележи, па затоа не ја занемарувајте. На работа мора да се приземјите, колку и да ви е непријатно. Таму важат правилата на редот и дисциплината. Бидете искрени со себе.
БИК
Сакате и ве сакаат, но за тоа да трае треба навистина многу да се потрудите. Од вас зависи кон каде ќе се движи врската. Чекате подобри денови и на работа, но ви се чини дека го губите трпението. Занемарете ги луѓето кои се токсични за вашето расположение.
БЛИЗНАЦИ
Имате потреба за мир и безбедност, а на сметка на тоа треба да направите и одредени компромиси. Покажете му на партнерот дека му верувате. Вашата работа сега е поодговорна отколку на почетокот, иако изминатиот период не ја забележувавте разликата. Не трошете енергија залудно.
РАК
Поминувате низ најразлични искушенија, а тоа толку ќе ве измори што ќе ги занемарите и оние кои не треба. Решете ги своите морални дилеми. На работа е добро и стабилно, но мора да поработите напорно за така и да остане. Предизвиците се тука секој ден. Помогнете некому.
ЛАВ
Можно е незаборавно кратко патување со саканата личност. Сингл Лавовите имаат шанса да запознаат некого кој е сериозно заинтересиран за нив. Сакате нешто повеќе на работа, но не знаете што точно е тоа. Затоа и малку ќе бидете хаотични со колегите. Не заборавајте да се рекреирате и релаксирате.
ДЕВИЦА
Слушајте ги советите на добронамерните луѓе, дури и кога не ви се допаѓаат. На тој начин ќе спречите да бидете повредени. Кариерата ви е во одлична фаза, но подгответе се и за неочекувани нови можности. Бидете дипломат во секоја ситуација од животот.
ВАГА
Следните денови ќе уживате, без разлика дали сте сингл или во врска. Не чувствувате притисок да се зближите со некого. Овие денови ќе имате прилика да покажете дека сте способен работник, но морате да внимавате да не претерате и да „прегорите“ од работа и замор.
СКОРПИЈА
Социјалниот живот ви е богат и исполнет, без разлика дали имате партнер покрај вас или не. Имате поддршка и од семејството и од пријателите за вашите желби да го промените работното место. Воздржете се од непотребни коментари и не критикувајте ако нема потреба.
СТРЕЛЕЦ
Некое жарче тлее во вашето срце и не можете да му одолеете, иако сте сосема свесни дека ситуацијата е доста комплицирана. Ќе размислувате, а тоа ќе ве направи помалку продуктивни на работа. Ќе сработите, но ќе бидете отсутни со мислите. Истражувате нешто непознато за вас.
ЈАРЕЦ
Оваа недела ќе бидете задоволни. На некои од вас ќе им се чини дека добиле крила покрај саканата личност. На работа очекувајте да добиете некаква привилегија. Покажете што знаете и ќе успеете во тоа, само не глумете, туку бидете она што сте.
ВОДОЛИЈА
Вашиот шарм е неодолив, многу ќе излегувате, а одличен период е и да се подобри ситуацијата во врската. На работа навикнете се дека промените мора да се случуваат, без разлика дали тоа ви се допаѓа или не. Имајте јасен план и соработувајте на дипломатски начин, како што и најдобро умеете.
РИБИ
Луѓето се собираат околу вас, бидејќи сакаат да бидат во ваше друштво. Зрачите со позитивна енергија. Пречките на работа се помали отколку што првично ви изгледаа. Ќе ја покажете и својата креативна страна. Имате доволно сила за сите овие храбри чекори.
