Џорџ Клуни се пошегува изјавувајќи дека тој и неговата сопруга Амал направиле „глупава“ грешка во одгледувањето на своите тригодишни близнаци Александар и Ела.
За време на гостувањето во емисијата „Jimmy Kimmel Live!“ Клуни откри дека неговите деца, и покрај годините, знаат многу добро италијански јазик. Но, тој и Амал не знаат италијански.
„Направивме глупава грешка да говорат италијански јазик. Притоа мислам на тоа дека тие говорат течно на три години. Јас не говорам италијански, мојата жена не говори, па така ние им дадовме „тешко оружје“ во рацете“, изјави актерот.
Тој додаде дека поради тоа имаат проблеми со задачите како и со чистењето на собата.
„Јас им велам да одат и да ја исчистат собата, а тие ми одговараат „Ех, папа стронзо“, раскажа актерот и се пошегува дека тој е од Кентаки, па и на него англискиот јазик му е втор јазик.
Тој откри дека за време на пандемијата му се променил животот па морал сам да ги обавува домашните задачи како што е перењето алишта, чистењето на подот и садовите.
На прашањето на Кимел дали во тие задачи бил успешен, тој одговори:
„Веројатно не, но барем некое време бев вработен. И не влегував во собата во која беа двете деца кои зборуваат италијански“.
