Супер моделот Наоми Кембел за првпат јавно проговори за мајчинството. Во интервју за „Би-Би-Си“, таа рече дека е среќна и опиша како е нејзината ќерка.
„Навистина сум среќна. Мислам дека имам дете од соништата”, вели 51-годишната Наоми.
„Таа е прекрасна. Веќе е многу независна, паметна и внимателна, спие 12 часа. Таа е добра девојка”, додава манекенката.
View this post on Instagram
Новинарот ја праша дали планира да ги всади во својата ќерка вредностите на силна независна жена, на што Наоми одговори потврдно.
Патем, Наоми е многу таинствена за нејзината ќерка. Досега, таа не зборувала за неа, ниту објавувала фотографии на социјалните мрежи.
View this post on Instagram
Наоми во мај годинава објави дека стана мајка и го изненади светот со оваа вест.
„Овој мал благослов ме избра да ѝ бидам мајка. Чест ми е што ја имам оваа нежна душа во мојот живот. Нема зборови со кои можам да ја опишам врската што сега ја споделувам со тебе, мој ангеле. Нема поголема љубов”, напиша Наоми до фотографија на која држи нозете на новородено девојче.
