Синоќа се одржа втората вечер на фестивалот „Sunny Hill“ во паркот Гермија во Приштина. Еден од многуте уметници кои синоќа се појавија на сцената беше албанскиот репер од Америка, Гаши, пишува Индексонлајн.
За време на неговиот настап, тој отиде на местото каде што седеше светски познатата пејачка Дуа Липа и побара од Ди-џејот да го пушти познатото албанско оро „Шота“ и тие играа заедно.
Дуа Липа додека играше под ритамот на „Шота“ го носеше националното албанско знаме.
Инаку дел од фестивалот „Sunny Hill“ во петокот беше светски позната пејачка Мајли Сајрус, која имаше феноменален настап пред приштинската публика.
