Популарниот пејач, ветеранот на македонската поп-сцена Мики Јовановски – Џафер, викендов го прослави својт роденден. Џафер наполни 75 години. Неговиот профил на Фејсбук е преполн со пораки, фотографии и видеа од преубави честитки од неговите пријатели.
Денеска пејачот се одлучи да им се заблагодари на сите коишто се сетиле на него и напиша преубав статус.
„Животот се вреднува според тоа колку луѓе те сакаат и почитуваат. Веројатно, смислата на живеење е во возвраќање љубов и внимание кон личноста која те спомнува за арно па и се гледа себеси со иста добрина во твојата личност. Секој човек, секое лице е свемир. И Вие сте тоа, Благодарам секому поединечно за роденденската честитка. Благодарам фејсбук “, стои во неговата објава.
Џафер во 2024 година прослави јубилеј од 50 години кариера со неколку концерти низ Македонија.
Негова најпозната песна е баладата „Сонце за три света“, која беше прогласена за најголем хит на 1990-тите и влезе во историјата на македонската музика. Со оаа песна тој настапи на Макфест во 1993 кога свои награда за најдобар текст, а Џафер, кој го напишал текстот, доби и награда за интерпретација. Во 2019 Џафер доби Златна бубамара за трајни вредности.
