Марио Дедивановиќ за својата работа доби награда за најдобар уметник помеѓу инфлуенсерите, а во својот говор се отвори и прв пат призна дека е хомосексуалец.
„Пред неколку дена, на 73-от роденден на мојата мајка, дојдов од работа после стресен ден. Таа ми го переше вешот, а јас се скршив и почнав да плачам. Конечно и кажав дека го поминав цело детство потиснувајќи ги своите мисли, соништа, чувства и креативност, обидувајќи се да бидам невидлив со цел никој да не знае што чувствувам од внатре. Знаев дека сум поинаков. Бев изтрауматизиран, бидејќи бев таков. Живеев цел живот во страв. Се срамев. Мајка ми ми рече: Од денес па натака никогаш повеќе нема да се плашиш и срамиш.“, раскажал низ солзи Дедивановиќ.
Во видеото кое беше прикажано пред неговиот говор, неговото семејство зборуваше за тоа како на почетокот им било многу чудно што Марио се занимавал со шминкање. Токму поради таа причина многу рано заминал од дома, бидејќи неговите родители не сакале тој да се занимава со тоа.
„Момчињата и девојчињата ширум светот растат во болка и страв баш како и јас, размислуваат за тоа да се убијат, како што размислував и јас. Само поради тоа што се поинакви и се плашат да бидат свои, бидејќи семејството и друштвото ќе ги осудуваат. Денес прв пат стојам пред светот како гордф 37-годишен геј маж“, рекол Марио.
Наградата му ја додели токму Ким Кардашијан, која рече дека токму тој и е најдобар пријател.
„Работиме заедно 11 години, што значи 11 години кавги. Нема да верувате како се караме, како да сме брат и сестра. Но тој ги направи едни од моите најубави спомени и верувам дека ме направи личноста кој асум денес. Го сакам“, рекла Ким.
Ким со Дедивановиќ го смисли и својот бјути-бренд KKW Beauty. После тешкиот почеток, Дедивановиќ денес е еден од најценетите мејкап артисти во индустријата, добар дел поради соработката со Ким Кардашијан.
