Помеѓу српските пејачки Јелена Карлеуша и Цеца Ражнатовиќ веќе со години наназад постои нетрпеливост. Двете пејачки својот конфликт го однесоа дури и на суд, па сега несогласувањата ги решаваат по правен пат, пишува „Србија данас“.
Српскиот текстописец Марина Туцаковиќ соработувала и со Цеца и со Јелена, а во едно од последните интервјуа открила што мисли за овој децениски конфликт.
Горан Стојиќевиќ Карамела ѝ бил домаќин на Марина во емисијата „Сервис Карамела“, а таа во таа прилика открила што знае за односот помеѓу Јелена Карлеуша и Цеца Ражнатовиќ.
– Ако тие двете имаат некаков личен конфликт, јас ги сакам и двете, двете се феноменални. Мислам дека Цеца нема никаков проблем со Јелена, дека Јелена во последно време тоа повеќе го нагласува. Мислам дека нема потреба да го прави тоа, зошто јас сега би создавала некоја лоша енергија. Навистина, тие двете никогаш не се сретнале овде кај мене – рекла тогаш Марина, која почина во 2021 година.
– Јас мислам дека тие никогаш нема да се помират. Никогаш нема да снимат дует – рекла Марина убедливо, а на прашањето дали се обидува да ги смири, кратко одговорила: „Не!“.
Потсетуваме, Јелена и Цеца се во конфликт повеќе од две децении. Карлеуша често ја задева својата ривалка преку социјалните мрежи, а дури и Ражнатовиќ не замолчува, па на поп дивата ѝ возвраќа со остри зборови.
