Пред речиси три децении на актерот му беше дијагностицирана Паркинсонова болест.
Актерот Мајкл Џеј Фокс (59) неодамна изјави дека повторно ќе се пензионира поради здравствени проблеми, пренесува CNN.
Актерот, кој пред речиси три децении ја доби дијагнозата паркинсонова болест, проговори во својата нова книга „No Time Like the Future“ токму за тоа прашање.
„Неможноста да ги запамтам и да ги повторам запишаните зборови е најновиот проблем со кој се сретнав. За се постои време. Не можам повеќе да работам 12 часа на ден и да паметам по седум страници дијалог. Барем така е во моментов“, напиша Фокс.
Тој славата ја стекна глумејќи во серијата „Family Ties”, а планетарно популарен стана глумејќи во трилогијата „Враќање во иднината“.
Иако Фокс пишува дека ќе забави малку, тоа не значи дека неговата кариера е готова.
„Од почит кон продуцентите, режисерите, монтажерите, како и актерите кои сакаат да работат малку побрзо, јас по вторпат одам во пензија“, напиша Фокс во книгата.
