Хари престанал да се дружи и со долгогодишните пријатели и станал позатворен.
Принцот Хари (35) целосно се промени откако ја запозна Меган Маркл (38), велат експертите за кралското семејство, пишува PageSix. Уверени се дека Меган стои зад одлуката да се повлечат од кралските должности и дека неговата сопруга го наговорила на тоа.
– Таа е таа која сакаше повторно да живее во Канада и Калифорнија, каде се чувствува среќно. Сака да го оттргне синот Арчи од рестриктивните и наметливи политики на Бекингемската палата, велат кралските експерти.
– Односот меѓу браќата е напнат откако Хари ја запозна Меган, но работите се влошија откако тие се венчаа. Хари и Меган не поминуваа многу време заедно со Вилијам и Кејт, а жените воопшто не се ни согласуваа. Вилијам и Кејт се повеќе формални и се согласуваат со кралскиот протокол, а Хари и Меган се целосно спротивни. Немаат ништо заедничко, изјави извор од кралското семејство.
Хари престанал да се дружи и со долгогодишните пријатели и станал позатворен.
– Никој не може да го обвинува Хари што сака да ја заштити сопругата, на која навистина и е тешко со британските медиуми. Хари навистина ја сака и сака да биде среќна и сигурна, а уште поважно, сака таа да не страда како неговата мајка Дијана. А, сега холивудските пријатели на Меган станале пријатели и на Хари, како на пример семејството Клуни. Таа ја презема контролата над неговиот живот, велат експертите.
