Кралицата Елизабета и Принцот Хари имале состанок кој траел четири часа и сите зборуваат за она што му го рекла на својот внук.
Елизабета Втора го поканила Хари на ручек во неделата, за конечно да ги разрешат сите прашања и недоумици во врска со неговото одвојување од кралското семејство.
„Кралицата имала многу да му каже на Хари и ова бил идеален момент за двајцата да си поразговараат за тоа „што им лежи на срце“. Во неделата првпат имале можност да си посветат внимание еден на друг во опуштена атмосфера“, вели извор близок до кралското семејство.
Кралицата, како што информира изворот и понатаму е многу вознемирена заради одлуката на Меган и Хари да заминат во Северна Америка. Посебно затоа што, како што, како што рекла, би сакала почесто да го гледа малиот Арчи.
„Сепак, таа прифаќа дека Хари веќе ја донел конечната одлука, но му дала до знаење дека нивниот договор ќе функционира сè додека не се обидат да ги комерцијализираат своите титули и својот кралски статус. Затоа не им дозволила да го употребат зборот „кралски“ за фондацијата што ја основале“, вели изворот.
Покрај тоа, кралицата јасно му ставила до знаење на Хари дека тој и Меган се „секогаш добредојдени да се вратат ако се предомислат и дека кралското семејство ќе ги дочека со ширум раширени раце“.
