Актерката Никол Ари Паркер ќе ја замени Ким Катрал во новото продолжение на светски познатата серија „Sex And The City“ наречена „And Just Like That“.
Иако продукцијата се плашела дали гледачите ќе ја прифатат серијата без четвртата пријателка од квартетот, сексапилната Саманта, се чини дека има значителен интерес за серијата. Никол ќе ја отелотвори Лиса Тод Вексли, самохрана мајка на три деца и режисер на документарни филмови.
View this post on Instagram
„О, многу убаво. Би пеела љубовни песни од 70-тите години со ова трио длабоко во ноќта, кога и да било“, напиша Сара Џесика Паркер во описот на фотографијата од четирите актерки и пријателки која неодамна ја објави на својот инстаграм-профил.
Многу фанови не го прифатија фактот дека Саманта нема да биде дел од популарната четворка, а исто така сакаа да знаат како режисерите ќе го решат проблемот со нејзиното отсуство.
View this post on Instagram
„Некои пријателства бледаат, и започнуваат нови. Затоа мислам дека сето тоа е многу индикативно за вистинските фази од животот… Се обидува да раскаже искрена приказна за животот на жените во педесеттите години во Њујорк. Затоа, се треба да биде природно, а пријателите што ги имате на 30-годишна возраст, можеби нема да ги имате на 50 години“, објасни Кејси Блоус од „HBO“, пренесува „Marrie Claire“.
Никол е најпозната по улогите во серијата „Empire“ и филмот „Boogie Nights“ и е првата Афроамериканка која стана дел од позната женска група.
View this post on Instagram
Серијата од 10 епизоди ќе ги следи четирите пријателки кои се соочуваат со тешките односи меѓу пријателствата и животот во педесеттите години. Серијата започна да се емитува во 1998 година, и со 94 епизоди успеа да освои седум „Emmy“ награди и осум „Golden Globes“.
