Која е Натали Германота, сестрата на Лејди Гага која ѝ дизајнира облека?
Зад облеката на поп -пејачката Лејди Гага стои раката на префинет дизајнер, односно на нејзината сестра Натали Германота.
За време на концертот во живо што се одржа на почетокот на минатата недела, Лејди Гага ги воодушеви сите со два прекрасни фустани дизајнирани од нејзината сестра Натали Германота.
Дебито на пејачката во супер луксузни фустани дизајнирани за неа од нејзината сестра беше волшебно.
Поп -пејачката и глумица со сицилијанска крв, излезе на сцената во облека со потпис на „Топо Студио“, новиот бренд зад кој стои дизајнерката Натали Германота.
Големото деби на 35-годишната девојка на сцената беше проследено со бомбастична објава постирана на социјалните мрежи директно од ѕвездата, во која, покрај тоа што им се заблагодари на сите што го следеа нејзиниот концерт во живо, ја искористи можноста да го изрази своето чувство за бесконечна благодарност.на сестра ѝ.
„Ѝ благодарам на мојата талентирана сестра што ги дизајнираше моите прекрасни костими за шоуто!“, напиша Гага.
Инаку, пејачката и сестра ѝ Натали се многу блиски, а љубовта на Гага кон нејзината сестра е толку голема што ја донесе со себе како нејзина партнерка и на два важни настани – на доделувањето на модните награди CFDA 2011 и на Оскарите во 2019 година.
Очигледно е дека стилот и страста кон модата владее во семејството Германота. Па не е ни чудо што 29-годишната Натали изразила желба да стане дизајнерка.
Натали има и диплома за моден дизајн од Факултетот за дизајн на Парсонс во Њујорк. Иако се чини дека нејзиниот бренд „Топо студио“ е сосема нов, постои веќе подолго време, а вистинскиот бум го доживува сега, откако е рекламиран од сестра ѝ. Малкумина знаат дека токму Натали работела во одделот за костимографија на блокбастерот „Ѕвездата е родена“ во 2018 година.
Пред Натали Германота, без сомнение, е блескава дизајнерка кариера.
