Познатиот американски глумец, Кевин Спејси, беше уловен од страна на српските медиуми како вечера во ресторан во Белград. На познатиот глумец, покрај другите луѓе друштво му правел и Ѓорѓе Ѓоковиќ, братот на познатиот тенисер Новак Ѓоковиќ.
Кевин и братот на тенисерот зборувале за хуманитарна работа, додека Спејси уживал во традиционалните јадења.
Познатиот глумец пиел жесток алкохол и кисела вода, а машкото друштво, како што се чини, не им придавало значење на љубопитните погледи од околните минувачи.
Но во еден момент ги спуштиле ролетните за да може Кевин на раат да вечера без да го фотографираат.
Ѓорѓе и Кевин го споменувале Новак и неговите навики во исхранта, додека разговарале за работата, филмови и останати теми, пренесуваат српските медиуми.
Инаку Кевин Спејси дошол во Белград, во строга тајност за да снима серија. Сè уште не е познато која е серијата, но тој исто така бил забележан како шета низ улиците на главниот град, а бил и во посета на Народниот театар.
Исто така, и актерката Вања Милачиќ објавила фотографија на Инстаграм на која таа и нејзината колешка Марија Вицковиќ се во друштво на оскаровецот.
