Поранешната сопруга на Том Круз, актерката Кејти Холмс (41) и нејзиното ново момче, осум години помладиот готвач Емилио Витоло (33), биле фотографирани од папараците додека се возеле во метро и се чини дека тие навистина живеат „нормално“, а не на холивудскиот начин на живот.
Имено, убавата актерка се чини се откажала од луксуз додека ужива во новата романса и честопати се гледа како патник во метро, траект, изнајмени велосипеди и други градски возила.
Двајцата биле забележани од случајни минувачи кои ги фотографирале Кети и Емилио како стојат во метрото и гледаат во неодреден правец.
По тој повод, Кејти носела црна маица и бели панталони, додека Емилио имал сини фармерки и црна маица, а и двајцата носеле заштитни маски на лицата. Кети ја врзала косата во пунџа, на раката имала „обична“ голема торба, а фановите не го сакаат тоа што во последно време често се фотографира со мрсна коса и во малку неуредно издание.
Следниот ден, овие заљубени гулапчиња биле фотографирани во ресторанот на Емилио, каде седеле заедно со неговиот татко и јаделе евтина пица.
Двајцата уживаат во шармот на секојдневниот живот, иако Емилио се занимава со моделинг пред Кејти и често се дружи со познати холивудски личности како што се браќата Џо, Ник и Кевин Џонас, Дени Де Вито итн., а во нивниот ресторан гости биле Барак и Мишел Обама, Лени Кравиц, Дензел Вашингтон и многу други.
Инаку, Кејти е „тешка“ 25 милиони долари, додека Емилио има „само“ 1,5 милиони долари на својата банкарска сметка, се чини дека нивните финансии не се толку важни, судејќи според нивниот начин на живот.
