Телевизиската водителка Јована Јеремиќ повторно им се обрати на гледачите, откако неодамна најави дека привремено ќе се повлече од малите екрани. Таа сега откри дека подготвува нешто ново и големо, но засега не сака да ги открива деталите.
Јеремиќ, која го води утринското шоу „Јутро са душом“ (Jutro sa dušom) на телевизијата Пинк, овојпат се огласи од својот дом и им порача на гледачите дека е свесна оти им недостига.
„Здраво на сите, здраво, мои мили… Како сте ми, дали сте добро? Гледам дека ви недостигам, тоа ми е јасно. Моите колеги новинари веќе пишуваат каде сум. Колеги, слободно пишувајте, сè што ќе напишете премолчено ќе го прифатам, да знаете“, рече таа.
Подготвува нешто ново, но не открива детали
Водителката навести дека нејзиното привремено отсуство е поврзано со нешто важно на кое во моментов работи. Сепак, не сакаше да открие за што станува збор.
„Не можам баш сè да ви откријам, но ќе ви кажам кога ќе дојде време за тоа“, порача таа низ смеа.
Јеремиќ претходно, во утринската програма, им се обрати на своите гледачи и објасни дека извесен период нема да ја води емисијата.
Таа нагласи дека не заминува на одмор, туку дека има важна работа која мора да ја заврши.
„Морам сега да им се обратам на моите гледачи и да се збогувам со вас, но само привремено. Нема да ме има до 28 август, имам нешто важно да завршам. Не одам на одмор, ако мислите дека одам да одморам. Знаете дека во јуни одмарав два викенда. Одам да завршам нешто што ми е важно“, изјави водителката.
На 28 август најави нова средба
Јеремиќ посочи дека повторно ќе се сретне со публиката на 28 август, датум кој за неа има и посебно значење. Токму на тој ден, на празникот Голема Богородица, таа во 2021 година првпат се појавила на телевизијата Пинк.
„На 28 август, на Голема Богородица, токму на денот кога дојдов на телевизијата Пинк во 2021 година, ви закажувам нова средба. Немојте да ме издадете, не сакам предавници, ниту јас никогаш не ве изневерив. Немојте ни вие мене. Сакам нашиот однос на доверба засекогаш да остане како што е сега и ништо да не може да ја наруши нашата љубов и почит од година во година“, рече Јеремиќ, видно возбудена.
Таа најави дека периодот до враќањето на телевизија ќе го искористи за интензивна работа и дека гледачите можат да очекуваат промени во новата сезона.
„Верувајте ми дека во овие две недели толку многу ќе работам што ова ќе биде најдобрата програма во Србија од септември. Верувајте ми, ќе мислам на вас, ќе ми бидете во мислите и во срцето. На 28 август во шест часот ви закажувам средба во поинакво издание. Новата Јас и новата сезона ќе започнат тој ден“, додаде водителката.
