Македонската фолк-пејачка Татјана Лазаревска летово престојува во Македонија, а дел од слободното време го искористи за одмор во Охрид.
Лазаревска објави неколку фотографии од крајбрежјето на Охридското Езеро, на кои позира во летно издание – зелен костим за капење, бели шорцеви, бела кошула и шешир.
На една од фотографиите пејачката се релаксира на лежалка покрај езерото, додека на друга позира во педалинка на вода.
Со своите следбеници сподели и фотографии од плажата и од непосредната близина на езерскиот брег.
Лазаревска долги години живее и работи во Мелбурн, Австралија, заедно со сопругот Новица Василевски и семејството, но останува активна и на македонската музичка сцена.
