Македонскиот естраден новинар Зоран Василевски, познат како Зоки Фаци, денеска почина на 52-годишна возраст, по долга и тешка битка со ракот.
Голем број имиња од македонската и регионална сцена, како и соработници, пријатели и обожаватели на неговото дело се поздравија со него за последен пат на социјалните мрежи. Меѓу нив е и српската пејачка Јелена Карлеуша, која неодамна гостуваше во поткастот на Стефан Лазаров и се сретна со Василевски.
„Драг Зоран, ти испраќам последен поздрав. Последен поздрав од оваа планета, каде што нашите тела се смртни, пролазни, слаби. Но, среќен пат на вечниот лет, во енергијата и во светлината во која се престори. Среќна сум што те запознав, ми рекоа дека си ми голем обожавател и дека тоа ти била голема желба. Сега јас ќе гледам кон ѕвездите и ќе посакам нешто – ми должиш едно исполнување желба“, напиша Карлеуша на својот инстаграм профил, објавувајќи фотографија со Василевски и Лазаров од нивната последна средба.
