На популарниот актер Харисон Форд не му се допаѓа идејата улогата на Индијана Џонс после него да ја толкува некој друг, пишува „Screen Rant“.
Во интервјуто за „USA Today“, Форд беше запрашан кого би сакал да го види како Индијана Џонс откако тој ќе заврши со таа улога.
„Никој нема да биде Индијана Џонс, зарем не разбирате? Јас сум Индијана Џонс. Кога мене нема да ме има, ниту него веќе нема да го има“, кажа актерот низ насмевка.
![](https://espreso.mk/wp-content/uploads/2020/11/harison-ford-instagram-1-819x1024.jpg)
Да се потсетиме, неодамна е најавен „Индијана Џонс 5“, филмот за кој се претпоставува дека ќе биде последен во оваа франшиза.