Внуката на кралицата Елизабета, принцеза Беатрис и нејзиниот сопруг Едуардо Мапели Моци станаа родители во саботата, објави Бакингемската палата.
Her Royal Highness Princess Beatrice and Mr Edoardo Mapelli Mozzi are delighted to announce the safe arrival of their daughter on Saturday 18th September 2021, at 23.42, at the Chelsea and Westminster Hospital, London.
Read the announcement in full – https://t.co/ImbfRLEdAe pic.twitter.com/olwDMv3Zmo
— The Royal Family (@RoyalFamily) September 20, 2021
Новородената ќерка на Беатрис е 11-та по ред за престолот, а иако е родум дете на принцеза нема да носи кралска титула, која автоматски ја добиваат само внуците на владетелот по машка линија.
Кралицата би можела да додели кралска титула, но родителите веројатно нема да ја бараат. Принцезата Беатрис на својот службен твитер-профил објави дека е воодушевена што може да ја сподели веста безбедното пристигнување на свет на нивната ќерка, заблагодарувајќи се на тимот во болницата за извонредната нега.
„Нејзиното Височество принцезата Беатрис и г-дин Едуардо Мапели Моци со задоволство објавуваат дека нивната ќерка се роди безбедно во сабота 18 септември 2021, во 23:42, во болницата Челзи и Вестминстер, Лондон“, се вели во официјалната објава на Кралството.
View this post on Instagram
Во објавата информираат и дека Нејзиното Височество и нејзиното новороденче се обете добро, и новите родители се нетрпеливи да ја претстават нивната ќерка на нејзиниот поголем брат Кристофер Вулф, кој е син на Едуардо Мапели од неговата претходна врска.
Ова е прво дете на принцезата Беатрис, која за првпат стана тетка во февруари кога нејзината сестра принцезата Јуџин роди машко бебе со име Август, а по пристигнувањето на второто дете на Војводата и Војвотката од Сасекс во јуни, Лилибет Лили Дијана Моунтбатен-Виндсор, таа се помести од 9-тото на 10-тото место во редоследот за тронот.
