Една од најголемите глобални музички ѕвезди и број 1 диџеј на листата на Dj Mag за 2020-та, Дејвид Гета преку својот официјален инстаграм профил кој брои над 8,5 милиони следачи, ја објави топ листата за највртени денс песни во последните две недели, а на листата третопласиран е македонскиот гениј за електронска музика Галоски, кој воедно ја потврди титулата за најдобар диџеј во земјава и на Балканот.
Новото издание на Галоски насловено како Got Me Feeling исто така доби највисок рејтинг 5/5 од престижниот Billboard магазин и веќе е во етер на најголемите национални радио станици ширум Европа и светот.
Водечкиот македонски DJ и продуцент Галоски периодов сосема заслужено ги ужива најуспешните моменти од својата кариера. Претходните две изданија ‘Want You Back’ и ‘Wasting My Time’ беа дел од Глобалната Денс Топ Листа како и првопласирани на 1001tracklist и ја носеа титулата за највртени песни за месец септември и октомври.
Музиката на Галоски редовно добива поддршка и се емитува во радио емисиите на Тиесто, Дејвид Гета, Афроџек, Алесо, Оливер Хелденс, Хардвел.
За успехот и квалитетот на нашиот диџеј Галоски говори и поддршката од Холандија, и тоа ни помалку ни повеќе, туку од еден од најголемите и најбарани диџеи на сите времиња TIËSTO.
