Кал Пен, американски актер со индиско потекло, кога го знаеме по улогите во серијата „Доктор Хаус“ и франшизата „Харолд и Кумар“, откри на јавноста дека е геј и дека со партнерот со кој е во врска 11 години планираат свадба.
„Кога веќе сте им кажале на вашите индиски родители, како и на целата јужноазиска заедница дека имате намера да бидете актер, секој разговор што доаѓа после тоа е многу лесен. Нивниот одговор беше само „Да, во ред.“ Чувствував голема поддршка од сите“, изјави Пен за магазинот „People“.
View this post on Instagram
Пен стана популарен кај пошироката јавност по комедиите „Харолд и Кумар“, каде тој и неговиот „надуван“ пријател се впуштаат во разни авантури под дејство на марихуана.
Тој вели дека релативно доцна открил дека е хомосексуалец, барем во споредба со другите луѓе, иако во тие ситуации нема одредено временско правило.
View this post on Instagram
Кал Пен исто така рече дека, како и целото негово семејство, и неговиот вереник се грижи за приватноста. Сепак, тој во едно интервју откри како изгледал нивниот прв состанок.
Џош се појавил кај него со гајба пиво и сакал да ги гледаат трките на „Nascar“ . Кал тоа воопшто не го интересирало и мислел дека средбата е осудена на пропаст. Па така, Џош и Кал гледаат заедно трки секој викенд веќе десет години. Љубовта се случила некаде на пат.
