Изминатиов период, дел од српските медиуми објавија дека музичката група Ураганки е на чекор до распаѓање, што предизвика паника кај нивните обожаватели.
За да ги смират своите фанови, а воедно и да стават крај на гласините, Ксенија, Ивана и Сања решија да се огласат на официјалната „Инстаграм“ страница на нивната група и јасно кажаа дека навистина се распаѓаат, но од работа.
„По неточни информации дека нашата група се распаѓа, последен пат сакаме да ја информираме јавноста дека се распаѓаме, но од работа. Нашите фанови навистина не заслужуваат вакво медиумско изживување. Им благодариме на сите што нè поддржуваат“, порачаа тие.
