Универзитетот Конкордија во Монтреал на студентите ќе им понуди курс инспириран од раперот Канје Вест, а веста уште порано ја објави професорот Јасин „Нарси“ Алсалман.
„Јас ќе бидам првиот што ќе предава за Канје Вест на универзитетско ниво, фала му на Бога. Сакам да им донесам нешто ново и свежо на студентите. Ова е можност да донесам повеќе неверојатни гости на универзитетот и да зборуваме за светот преку очи на еден од највлијателните уметници на нашата генерација“, напишал професорот објавувајќи ја програмата на социјалните мрежи.
View this post on Instagram
Алсалман вели дека класата не е само за светски познатиот рапер.
„Се работи за заедница, креативност, одговорност, слава и ментално здравје, соништа и кошмари – и уште поважно, самоактуелизација“, објаснува професорот.
View this post on Instagram
Според неговата најава, курсот ќе ги анализира уметноста, дизајнот, музиката, славниот живот и културните влијанија на Канје во информатичката ера.
View this post on Instagram
„Користејќи ги албумите на Канје како културни, уметнички и лични погледи; овој час ќе ја проучува еволуцијата на неговата генијалност и ќе го истражува концептот на „дисонанцата на Канје“ – уникатната, сложена и контроверзна природа и контекст на работата и влијанието на Канје“, се вели во објавата.
Курсот ќе биде достапен за ограничен број студенти по уметност.
