Македонската манекенка Горјана Кулишевска, која веќе неколку години гради меѓународна кариера, се најде на страниците на српското издание на модното списание „Мери Клер“.
Кулишевска, која странските модни агенции ја нарекуваат Џоја, го сними модниот едиторијал „Топлотен бран“ („Heatwave“) во луксузниот комплекс „Инфинити пул хаус“ во Белград. Фотографиите се дело на фотографката Ана Секулиќ, а според многумина – секоја од фотографиите изгледа светски.
View this post on Instagram
Нашата манекенка има потпишано договор со модната агенција „J’s Management“, кои веќе некое време ѝ ја менаџираат кариерата. Таа досега има соработувано со повеќе модни брендови, како што се „Александар Меквин“ и „Москино“.
Инаку, Кулишевска беше откриена од страна на Алек Наумовски, еден од првите луѓе во модната агенција „Моделс ин“.
