Македонскиот рапер Христијан Тасковски, познат како Таско, и неговата сопруга Наташа имаа прекрасен повод за прослава овој викенд. Нивниот син Лукијан наполни една година во саботата (22 јуни), а среќните родители сега споделија фотографии од роденденската забава на нивното малечко.
Забавата била тематска, а била инспирирана од стилот на раперот Ноторијус Би-ај-џи, познат и како Биги. Таско и Лукијан биле облечени идентично – во бела кошула со црни бермуди, црно-црвени патики и црвена марама врзана околу вратот, а Наташа се одлучила за фустан со животински принт, гордо покажувајќи го својот труднички стомак. Да потсетиме, двојката го очекува нивното второ дете и во септември ќе станат родители на ќерка.
„Големата единица“, стои во описот на фотографиите.
