Сања Николиќ го изненади Слаткаристика со оригинален подарок за Нова година, а тој додека го отвораше ѝ рече: „Фала ти љубави“.
Сопругата на раперот му подари професионален звучник, но и шолја со неговите стихови од песната „Насмевка“ која му ја посвети на нивниот син Моша. Таа песна стана еден од најголемите хитови на Слаткар.
Слаткаристика претходно објави и семејна слика со Сања и со синот во домашен амбиент, до елката.
Сања Николиќ и Марко Маринковиќ-Слаткар се во брак од 2014 година и го имаат пет и пол годишниот син Моша. Слаткар ја побара Сања за жена во песната „Кажи да“ која е и денес еден од неговите најголеми хитови. Потоа, во Венеција заедно го снимаа спотот за песната „Луда романтика“.
Сања е Мис на Македонија за 2000 година, а нивното запознавање се случи на една „Златна Бубамара на популарноста“ кога Сања го подрави од сцената во Универзалната сала.
